Sunaran surya rauh makenyit
Ening toyané ngerug di pasisi
Nyihnayang kramané sutindih ring hyang widhi
Kawéntenan sasih sané ngusak isin gumi
Ngawinang toyané tan matemu ring perthiwi

Baat kenehé liunan isi
Ten inget tata titi
Nyantos engsap tekén awak padidi
Yén ten wénten toya sira nyuciang gumi?
Sira ngurip isin gumi?

Mirib sami sampun masuryak di pasisi
Sira sané pelih?
Sira sané uning genah toya sané suci?
Sira bénjangan lakar paling?
Genah toyané mamargi tan kauningin

Mangkin pagerong kramané mangeling
Nyakit... Nyakit...
Rasa sebet mauyak pedih
Ané tusing tawang pidan baan maisi
Kaliwat ening tan kagisi