Sasenggakan (ibarat) adalah bagian dari Basita Paribasa, yang mana sasenggakan berasal dari urat kata "senggak" yang kemungkinan berarti "singguk" atau "sentil" dan mendapatkan akhiran -an. Sesenggakan adalah kalimat untuk menyingguk atau menyentil orang yang diajak bicara.
Taluh apit batu
Suksmanipun: kaucapang ring anaké sané magenah ring genahe sané keweh, pelih agulikan pacang nemu baya.
Abias pasih
Suksmanipun: nenten sida antuk ngawilangin katahipun.
Ngentungan uyah ka pasih
Suksmanipun: kaucapang ring anaké sane ngicenin barang utawi artha ring anak sané sampun sugih.
Kuluk ngongkong tuara ngutgut
Suksmanipun: kaucapang ring anaké sané ngomong manten, nanging nénten wénten tindakan.
Ngajahin bébék ngelangi
Suksmanipun: kaucapang ring anaké sane mapi-mapi ngajahin anak sané sampun duweg.
Ngrebutin balung tan paisi
Suksmanipun: ngrebutin barang sané nénten wenten isiné utawi barang sané nénten maguna.
Awak baduda nagih madanin garuda
Suksmanipun: sakadi anake sané tiwas wiadin mamacul, mamanah ipun mamadanin (nandingin) anaké sané sugih wiadin anake sané mapangkat tegeh
Liep-liep lipi gadang
Suksmanipun: kaucapang ring anaké sané ring pangarepne jemet pisan, sakewanten sujatinne ipun anak sané nénten becik.
Kutal-kutil ikut céléng
Suksmanipun: kaucapang ring pakaryan sané rasané aluh, sakewanten sujatiné nak keweh yén kalaksanayang.
Gedé ombake gedé anginé
Suksmanipun: ageng asil, ageng taler panelasipun.
