Sesenggakan
Sasenggakan (ibarat) adalah bagian dari Basita Paribasa, yang mana sasenggakan berasal dari urat kata "senggak" yang kemungkinan berarti "singguk" atau "sentil" dan mendapatkan akhiran -an. Sesenggakan adalah kalimat untuk menyingguk atau menyentil orang yang diajak bicara.
Buka besiné tekén sangihané, pada apesné,
Suksmanipun: sakadi anaké sané mapakarya, sang nalih miwah sang sané kadalih, janten sami katahipun nelasang prabéya.
Buka bikulé, ngutgut sambilang ngupinin,
Suksmanipun: sakadi anaké sané madaya kaon wiadin corah, seka kidik ngambil barang-barang timpalipuné, kéwanten ipun mapi-mapi nulungin.
Buka becicané ujanan, nguci,
Suksmanipun: sakadi anaké sané ngucékcak ngomong nénten karwan tuktuk bongkolipun.
Buka bikulé pisuhin, sumingkin bejit,
Suksmanipuné: sakadi anaké alit-alit kual, yéning ajahin wiadin glémékin ipun sumangkin kual.
Buka bukité ejohin, katon ngrawit,
Suksmanipun: sakadi anaké pakantenan ipun saking doh jegég utawi bagus, kéwanten wawu tampek tlektekang ipun bodo, muanipuné burik.
Buka cicingé ngongkong, tuara pingenan nyegut,
Suksmanipun: sakadi jadmané sané degag ngaku wanén, kéwanten jatinpuné getap.
Buka dedaluné, kampid baan nyilih,
Suksmanipun: sakadi anaké sané ngango bungah becik-becik, kéwanten jatinipun panganggé punika makasami antuka nyelang.
Buka dangap-dangapé, gedé-gedé kayuné ogara;,
Suksmanipun: sakadi anaké sané gemba katunan bayu miwah gelar (arta), nagih ngambil pakaryan sané ageng kalih akéh pacang nelasang prabéya.
Buka entikan oongé, ngulah pesu,
Suksmanipun: sakadi anaké sané ngomong ngawag-ngawag, sané nénten madasar antuk papineh.
Buka goaké, ngadanin ibané,
Suksmanipun: sakadi anaké sané corah raris nuturang maling (maling teriak maling).
